දෙවෙනි දිගහැරුම

අම්මේ..ඒ..ඒ................බඩගිනියි..ඊ...
සුපුරුදු පරිදි මම ගෙදර ආවා කියල  මුලු ගෙදරටම ඇහෙන්න රිපොර්ට් කලා..බඩගිනි උනත් නැතත් ...මම ගෙදරට ගොඩවෙන්නෙනෙම් ඔහොමතමයි..බැරි වෙලාවත් මේ සිද්දිය වෙනස් උනොත් එහෙම ගෙදර හැමෝම දන්නව අද කොල්ලා වෙනස් වෙලා කියල ඉතින්...

බඩගිනි නම් ඉතින් ඔය ඇඳුම් ගලවලා දාලා අඩුමතරමෙ අත් දෙකවත් හෝදගෙන එනව ඉතින්....අක්කත් කන්නෙ දැන්..අම්මා එහෙම කිව්වෙ බලබලා හිටපු පත්තරය නවල තියලා නැගිටින ගමන් මට බත් බෙදන්න....

''එනව ..එතකන් කටක් කවන්න'' මගෙ සුදු අක්කා ... මමත් ඇරියෙ නැහැ පරිප්පුයි,,, බොංචියි....පපඩනුයි..අම්මගෙ ආදරෙන් ටිකයි....ඒකට අක්කගෙ ආදරේත් ටිකක් එකතු උනාම හාල් සේරුවක විතර බත් කන්නපුලුවන්...

එක කටකින්නම් බේරෙන්න දෙන්නෙ නැහැ.....මම අක්ක ලඟින්ම පු‍ටුවකුත් ඇදලා ඉඳගන්න ගමන් හිතුවා...
අක්කත් දන්නව මගෙ හැටි එයා හිනා වෙන ගමන් දෙවෙනි බත් කටත් කැව්වා....එත් එකපාරම එයා කන එකත් නවත්තල මූණත් අමුතු කරන් මගෙ දිහා බලන් ඉන්න ගත්තා..මලා සිග‍රැට් ගඳවත් ආවද? ඔව් ඔව් දැන් ඉතින් කැපියන් පුතා හිමිහිට...මම නගිටල ආයෙත් මගෙ කාමරේට ශේප් වුනා. ''බූරුවා....'' අක්කා කිව්වෙ එච්චරයි... දැන් ඉතින් දවසම අක්කත් එක්ක හැංගිමුත්තන් තමයි හෙට වෙද්දි නං ඔවා අමතකයි. සොරි මගෙ සුදු අක්කෙ ... මම හිතින් සමාව ගත්තා....

''ඔය කොහෙ යන්නද?''  අම්ම අහන්නෙ හරියට මම ගෙදර කරන්න තියන ලොකුවැඩක් මග හැරලා යනවා වගේ.....'සුමුදුලගෙ ගෙදර ගිහින් එන්නම්'
''යන තැනක ගිහින් එතන පැලනොවී අවිත් පොතක් බලාගන්නවා..'' අම්ම වක්‍යය  ඉවල කරද්දි කොල්ල සෑහෙන දුර..
සුමුදුව තමයි මට ගමේ හිටිය අතිජාත මිත්‍රයා.... හිත හොඳ එකා.......මගෙ ඕනෙ බලුවැඩකට ඔහේ එනව...මම නිසා සෑහෙන ක‍ටු කාල තියනවා මේ වෙද්දි....
මේ වෙලාවට වෙල්යාය මැදින් ඇවිදගෙන යද්දි පේන දර්ශනය මාර ලස්සනයි...ඉර එලිය ලා තැඹිලිපාටයි....ඉඳල හිටල කෑගහන කොරවක්කෙකුගෙ සද්දෙ ඇරෙන්න හමදේම නිශ්ශබ්දයි.....බෝක්කුව උඩට වෙලා ටිකක් ඉඳගෙන ඉඳලා යන්නත් හිතෙනවා...එක්කො ඕනෙ නැහැ...සුමුදුවගේ වත්ත කෙලවර වෙන්නෙත් මේ වෙල්යායෙන්ම තමයි උත් එක්කම වැටමායිමේ තියන ඇල ගාවට සෙට් එනවා.....සුමුදුවට තේරෙන සොබාව සෞන්දර්යයක් නම් නැහැ එත් මම කියනදෙයක් අහගෙන ඔහේ ඉන්නව පැත්තකට වෙලා.....
''සු..මු..දෝ......''
මට ඉවර වෙන්නම කෑගහන්න ලැබුනෙ නැහැ..
'ඕයි මං මෙහෙ'
සුමුදුව වතුර අදිනවා වැස්සිට දෙන්නද කොහෙද..
'මොකෝ කරන්නෙ..' මම ඇහුවෙ කතාව පටන් ගන්න පොටක් හොයාගන්න.
'අද මොකුත් කරන්න බැහැ බං ඊයෙ ගහපුවා තාම වැඩ මම නැගිට්ටෙත් හවස් වෙලා' මුටනම් ඇත්තටම විකාරද කොහෙද..ඇයි යකෝ මම බීමක් ගැන කතා කලාද?
ඕක ඔහොම්මම තමයි...
'ඒ කියන්නෙ උඹ අද ඉස්කෝලෙ ගියේ නැහැ' කියන ගමන් මමත් ගත්තා පුරවල තිබුනු වතුර පනිට්‍ටුව.
'නෑ සාලා..ඊයෙ කුරුණෑගල නැන්දාගෙ දුව බැන්දනෙ බං මම උදේ  ආවෙ පන්නගත්තු බාගෙකුත් එකක..අම්මල එද්දි දවල් උනා...උඹත් හිටියනම් ගොඩ'
සුමුදුවට ගෙදරින් මාර නිදහසක් දීල තිබුනා පවුලෙ බාලයා එකම අයියත් රට...තාත්තා නැති උනේ බීලමයි..අම්මා නම් මාර හොඳයි මමයි සුමුදුවයි කියල වෙනසක් නැහැ..අපිට හරිම ආදරෙයි.....


වැස්සිට වතුර දීලා.අපි දෙන්න ඉතින් ලෝකෙ නැති වල්පල් කතා කර කර ගියා ඇල පැත්තට....

මම ගෙදර එද්දි අම්මයි අක්කයි දෙන්නම සෙට් වෙලා ටීවී එක ඉස්සරහා...වෙලාවට තාත්තා එන්න තව වෙලා තියනව..මමත් ගිය නාගන්න වැඩක් තිබුනත් නැතත් මම හැමදාම නාන්න යන්නෙ 7 පහුවෙලා...නාගෙන ඇවිත් ආයෙත් ලාවට වගේ බත් එකක් බෙදාගත්තා ඇයි ඉතින් මේ හැදෙන වයසනෙ අම්ම කියනව වගේ . අය්යා හිටියනම් කියයි මේක 4ටත් කාල ආයෙ 7 වෙද්දි අයෙ කන්නෙ තියන මලපෙරේතකමටනෙ කියල...බත් එකත් අරගෙනම  මමත් සෙට් උනා අම්මල බලන කෙහෙල්මලක් බලන්න හිතාගෙන...
අක්ක එකපාරක් මාදිහා බලල රවල ආයෙත් ටීවීඑක අතුලටම ගියා...
''කන්නත් අරගෙන එන්නෙ මෙතනට'' අම්මත් කිව්වෙ එච්චරයි ..වෙනදනම් .....මේකට ඇහැ ගහන් ඉන්නෙ නැතිව ගිහින් පොතක් බලාගන්නව....කියලත් කියනව කමක් නැහැ පස්සෙ කියයි...
අර එලදෙන 'පබා' අදත් අඬනවා මට ඔය නාට්‍යයෙ පෙන්නන්නම බැරි චරිතෙ තමයි 'පබා' මම කැමති පබාගෙ තාත්තටයි ..අය්යටයි...
'' ඕයි ... ගිහින් අත හෝදගෙන ඇවිත් ගිහින් නිදා ගන්නව දැන් ඔය පිඟානත් බිඳිනව වට්ටල''  ම්ම්...ම්. මලා මට පිඟානත් අතෙ තියගෙන ටීවී එක ඉස්සරහ නින්ද ගිහින්..අක්ක කෑ ගහන්නෙ දවල් මලටත් එක්කද කොහෙද....
ඇයි යකූ දවස තිස්සෙ මහන්සිවෙලා ඉගෙනගෙන ඉගෙනගෙන....අපිට කොච්චර මහන්සිද? මගෙ සුදු අක්කට තේරෙන්නෙ නැහැ ඕවා..
කෝකටත් අම්මට මාට්‍ටු වෙන්න කලින් ගිහින් අත හෝදගෙන ඇවිත් ඇඳට වැ‍ටුනා.. තාත්තත් ඇවිත් අම්ම එක්ක කතාව..මගෙ වෙලාවට මව නොදැක්කෙ.. හෙටවත් මගේ හීන ඉ‍ටුවෙන මල් මල් දවසක් වේවා........ඉතිං මං දොයි